「戒煙日記」－首72小時

到今晚九點就係72小時，我最後一支係2015年11月9日食！

睇網頁同書話，頭72小時係黃金時間，係最大癮嘅3日。3日之後，去驗尼古丁測試會驗唔到，因為已排出體外。資料性嘅野我會再開POST講，日記就講下自己感受。

第一日嘅時候，比較容易，因為我吸煙嘅另一半出差。其實無左佢就易戒好多，佢一食我又想食。我地一齊果時，熱戀的時候，同吸煙有好多美麗回憶。例如我地去飲靚酒，去旅行，坐在海灘，望著日落，食支煙⋯⋯ 可能潛意識記左呢D，我基本上見到佢個樣就想食煙。BUT COME ON，長大喇，咪發夢。我諗深一層，而家嘅情況係，佢出花園食煙，我跟出去，講兩句廢話，佢應完又專心玩電話同食煙，望著日落，佢有佢食，我有我食，我食完喉嚨又痛又唔知跟埋出去做乜Q！件事好ON9,無得著。

不過，雖然容易，但都感受到withdrawal pang。例如，好眼瞓，無心機，無精神，好拿灰，灰到爆，好燥，真係好燥，頭痛，鬧人！

第二日好少少，但都係好灰。我灰到覺得就黎抑鬱，就出左去跑步。其實我一向都有跑步嘅習慣，亦知戒煙跑步表現會好D。但一出去跑，都係好AMAZED。覺得充滿精力，愈跑愈有力，條氣又順，平均時間簡直係靚，快過平時好多，心情又好返D。

第三日訓醒，記得自己尋晚有食煙（發左個好真的夢），諗多幾諗先記得自己戒左煙！第三日情緒好好多

呢幾日我一諗起煙，就打開呢本書睇－ NEVER TAKE ANOTHER PUFF：

http://whyquit.com/joel/ntap.pdf

好有用！！！！睇過你就知！一想食，睇幾篇支援下。佢好在一篇篇短文無連結，最岩頂癮救命用！

有D人話驚肥，下，我驚中風猝死多過肥。上次戒煙我食埋LOW CARB，仲瘦左。其實次後我一路KEEP住食LOW CARB，個人會精神D同無肚腩又唔肥。食慣左反以唔鐘意食HIGH CARB野，對飯無左條引。不過係題外話⋯⋯

其實戒煙我都俾自己想食咩就食咩。本身我唔食糖份，但戒煙的時候，想食咪食囉。好過食煙。驚肥？都唔係呢刻先驚啦，煙我都夠膽食，雪糕我唔敢食？太好笑。想食就食，戒到煙就得。

講住甘多先，加油！