戒煙原因
今次寫呢個BLOG，係因為我發覺香港無乜WEBSITE係關於戒煙。就算有都係D機構或政府既網頁，內容超HEA，加埋都無幾百字，講來講去都係果幾幅被。所以想將自己經驗些牙下！加上都睇左好多外國戒煙書同網頁，覺得外國喺呢方面嘅支援比較好，可些牙下。
2014年大約8月左右，我決心戒煙，果時睇左一本好出名由ALLEN CARR寫嘅戒煙書。戒左兩個月左右，又食返。當時「自己俾自己嘅藉口」係因為要搬離開香港，好多野攪好煩好大壓力，同朋友FAREWELL 飲酒會食煙。跟住又斷斷續續食下戒下食下戒下，跟住又有兩個月連酒都戒埋，跟住又「藉口」話壓力大、搬屋、懷念以前⋯⋯又食下戒下，妖！諗起都把幾火⋯⋯食下停下食下又內疚又停又辛苦跟著又食又內疚又停又辛苦⋯⋯ 呢個甘嘅輪迴真係無限LOOP，好煩，來回地獄又折返人間！
戒煙嘅原因，其實就係吸煙！吸煙本身就係錯，係超錯，自己由細到大唔使人教都知係錯！但因為上左癮，唔食唔舒服，個CYCLE又因為咁無限LOOP。
戒煙理由：
1・胸口痛，喉嚨痛，抖氣唔順 （因為抖氣唔順，我竟然配定哮喘藥吸劑，林訓前食完煙吸完先敢訓，呢個行為我講出黎都覺得係恥辱）
2・因為抖氣唔順，做唔到運動
3・社交唔方便 （煙民直情唔想同非煙民朋友出街，因為過兩個鐘就要上電），返工又唔方便，家人飯聚唔方便⋯⋯ 你明的。食煙真係神憎鬼厭架，我一點煙連的隻最忠心嘅狗都打黑痴兼走開。
4・女仔食煙，俾人標籤！
5・要為將來生仔作打算
6・仲有驚患上食煙引起嘅N個致死嘅病
7・好老土，好唔型
8・而家食已經唔舒暢，只係用黎頂癮，頂完過半個鐘又想食過，好煩，坐唔定，集中唔到。
真係好後悔好後悔染上呢個無用嘅惡習。
我記得細個時，家中有人食煙，我討厭到不得了，覺得臭到不得了。估唔到大左食煙果個係我。
不過唔緊要，相信入得黎睇嘅都係想戒煙，大家一齊努力。